நிலவின் முழு ஒளி என் இரவை விழுங்க
என் நிழல் காட்டி இருள் வளர்த்தேன்...
எனக்குள் கரைந்து போன
மின்மினியின் வரவை எண்ணி!
--------------------------------
நீ உறங்கும் வேளையில்
காற்றுக்கு ஓய்வு இல்லை
காலம் நகர்வதில்லை
பூக்கள் மலர்வதில்லை
வண்டுகள் பறப்பதே இல்லை
அலாரம் அடிப்பதில்லை
கொசுக்கடி அறவே இல்லை
செல்போன் சிணுங்கல் இல்லை
செல்லமாய் உன்னை கொஞ்சுவது கூட இல்லை.....
ஏனடி இவ்வளவும்?!
தேவதையின் கனவை கலைக்க
யாருக்கு தான் மனசு வரும்!
